ЭШФ күйге келтіру және орнату

Электрондық шот-фактура (ЭШФ) дегеніміз не?

Бұл «ЭШФ АЖ» арнайы ақпараттық жүйесінде электронды түрде жасалған және салық заңнамасының тиісті талаптарына және ЭШФ құжат айналымы қағидаларына сәйкес арнайы ақпараттық жүйеде электронды түрде жасалған шот-фактура. Электрондық шот-фактураның түпнұсқасы жеткізушінің сандық қолтаңбасымен  бекітіледі.

ЭШФ 2015, 2016, 2017 жылдары кім пайдалануы тиіс?

2015 жылдың 15 желтоқсанынан бастап: кеден бажының төмендетілген ставкасы бойынша алынған импорт тауарын әкелетін немесе сататын барлық ұйымдар және ЖК-лер тек осы тауарларға ғана ЭШФ ұсынуы тиіс, қалған тауарды қағаз нысандағы ШФ бойынша жазуға болады.

2016 жылдың 1 шілдесінен бастап: уәкілетті экономикалық оператор, кеден өкілі, кеден тасымалдаушысы, уақытша сақтау қоймасының иесі, кеден қоймасының иесі болып табылатын салық төлеушілер.

2017 жылдың 1 қаңтарынан бастап: Құны қосылған салығын (ҚҚС) төлеушілердің БАРЛЫҒЫ.

НАЗАР АУДАРЫҢЫЗ!

«Сіздің назарыңызды 2017 жылдың 1 қаңтарынан бастап Мемлекеттік сатып алуларды жүзеге асырудың қағидасына өзгерістердің енгені туралы хабарлаймыз (ҚР Қаржымині 03.10.2016ж. №521 және  22.12.2016ж. №683 бұйрығы).

Енгізілген өзгерістердің негізгі жаңалықтары болып табылады:

біріншісі, тауарларды жеткізудің, орындалған жұмыстардың, көрсетілген қызметтердің актілерін веб-портал арқылы электронды нысанда  ресімдеу;

екінші, шот-фактураларды электрондық шот-фактуралардың ақпараттық жүйесі арқылы жазылған электрондық пішінде ғана ресімдеу (Нормативтік құқықтық актілерді тіркеудің мемлекеттік тіркелімінде №10423 ресімделген «Электрондық нысанда жазылатын шот-фактуралардың құжат айналымы қағидасын бекіту туралы» ҚР Қаржыминінің 09.02.2015 ж. №77 бұйрығы);

үшіншісі, веб-портал арқылы электрондық түрде ресімделген сатып алулардың жергілікті мазмұнының үлесі туралы есепті жеткізушіге міндетті ұсыну»

Дереккөз: http://goszakup.gov.kz/?setlang=ru

ЭШФ жазу тәртібін немесе мерзімдерін бұзғаны үшін 2016 жылдың 1 қаңтарынан бастап әкімшілік айыппұлдар салынады:  шағын кәсіпкерлік субъектілері үшін қағаз тасымалдаушыдағы шот-фактурада көрсетілген ҚҚС  сомасының 30%-ы (бірақ 20 АЕК-ден кем емес),  орта кәсіпкерлік субъектілері үшін 40% (бірақ 40 АЕК-ден кем емес), ірі кәсіпкерлік субъектілері үшін 50% (40 АЕК-ден кем емес).

Электрондық шот-фактуралардың ақпараттық жүйесінде  (ЭШФ АЖ) қалай тіркелуге болады?

ЭШФ АЖ-де жұмыс істеу үшін заңды немесе жеке тұлғаның (егер ЖК болса) электрондық цифрлық қолтаңбасының (ЭЦҚ) сертификаты болуы қажет. Ары қарай, ЭЦҚ көмегімен,   esf.gov.kz. ЭШФ АЖ порталында тіркеуден өту қажет. Тіркеу кезінде ұйым туралы және пайдаланушылар туралы мәліметтер толтырылады.

ЭШФ алудың/жіберудің қандай тәсілдері бар?

ЭШФ АЖ-мен жұмыс істеу үшін пайдаланушы:

  • ЭШФ АЖ веб-қосымшасын (браузер арқылы) пайдаланады;
  • ЭШФ АЖ оffline-қосымшасын пайдаланады (өз компьютерінде жұмыс істеп, синхрондау жүргізу арқылы).
  • ЭШФ АЖ-мен ықпалдасқан есептік жүйенің функциясы, мысалы, 1С: Бухгалтерия 8 Қазақстанға арналған бағдарламасының көмегімен.

1С қандай бағдарламаларында біз ЭШФ жіберуді/алуды күйге келтіре аламыз?

Біздің мамандарымыз Сізге 1С бағдарламасындағы электрондық шот-фактуралармен жұмысты күйге келтіруге көмектеседі:

  • 1С:Бухгалтерия 8 Қазақстанға арналған, редакция 2, 3
  • 1С:Сауданы басқару 8 Қазақстанға арналған, редакция 2.2, 3
  • 1С:Сауда кәсіпорындарын басқару 8 Қазақстанға арналған.

Біздің қызметкеріміз 1С бағдарламасында ЭШФ-ні күйге келтіру кезінде жұмыстардың қандай түрлерін орындайды?

Жұмыстардың мына түрлері орындалатын болады:

  • Компьютердің ЭШФ орнату мүмкіншілігіне тексеру
  • Java орнату/жаңарту
  • 1С:Бухгалтерия 8 бағдарламасында ЭЦҚ (ҰКО) үшін сертификатты күйге келтіру
  • 1С:Бухгалтерия 8 бағдарламасында (ҰКО) авторизациялау үшін сертификатты күйге келтіру
  • Бағдарламада ЭШФ АЖ-ге кіру үшін 1С параметрлерін күйге келтіру
  • 1С: Бухгалтерия 8-де ЭЦҚ-мен жұмыс істеу үшін кітапхананы орнату
  • ЭШФ АЖ-де 1С бағдарламасынан шығыс электрондық шот-фактураларды жүктеуді тексеру
  • ЭШФ АЖ-де 1С бағдарламасынан кіріс электрондық шот-фактураларды жүктеуді тексеру
  • 1С бағдарламасында ЭШФ толтыру қағидаларын бухгалтерлерге үйрету
  • 1С бағдарламасында ЭШФ-ні жүктеуді/алуды бухгалтерге үйрету

Электрондық шот-фактуралар бойынша шеберлік сыныптарына арналған өтінішті мұнда қалдыруға болады!

ЭШФ күйге келтіруге арналған өтінішті Сіз не сайтта, не 8 7172 78 54 50, 78 54 00 телефоны бойынша қалдыра аласыз.